Stair

Bunaíodh Comhar Creidmheasa Cholm Cille Teo. i 1986 nuair a tháinig grúpa daoine ón gceantar le chéile ar mhaithe le seirbhísí airgeadais níos fearr a sholáthar do phobal Chois Fharraige. ‘Sé mana an Chomhair Chreidmheasa ná: “ Níl muid ann le haghaidh Brabúis, ná mar Charthanacht ach le haghaidh Seirbhís a chur ar fáil don phobal ”.

I dtús ama ba ó cheantar na bhForbach siar chomh fada le Casla ceantar feidhme an Chomhair Chreidmheasa. Bhítí ag brath beagnach go huile agus go hiomlán ar obair dheonach le seirbhís cúpla uair a chloig a chur ar fáil don phobal. Tháinig athrú suntasach ar seo i 1994 nuair a fuair an Comhar Creidmheasa oifig buan ar Pháirc Ghnó an Chnoic.

I 1997, i ndiaidh éileamh ón bpobal leathnaíodh ceantar feidhme an Chomhair Chreidmheasa siar chomh fada leis an gCeathrú Rua agus Ceantar na hOileán agus ó thuaidh chomh fada le Camus. Is féidir le aon duine atá ina gcónaí nó ag obair sa cheantar seo ballraíocht a ghlacadh sa Chomhar Creidmheasa. I mí Meán Fómhair 2011 bhí:

•  os cionn 8,500 ball cláraithe

•  €32 milliún sábháilte ag na baill

•  €10 milliún amuigh ar iasacht

•  luach de €36 milliún ar an gComhar Creidmheasa